Sergio Gutiérrez Camblor


Los dioses de Curtis
Premio Asturias Joven de Poesía 2009
La mística del amor -sí, podemos escribir la palabra mística cerca d´un poema, y lleerla, y podemos volver a falar d´amor ensin tener, depués, qu´agachar la vista, tiranos al suelu y pañar les pistoles o les propies cares- y del non-amor, que llega hasta una habitación entrastiada, con una cama ensin pates nin testeru, al traviés d´un portatil, con una banda de post-funk desfasada y seria: y l´autocomplacencia y toles búsquedes contemporánies y Ian Curtis cantando con verdá y guapura y voz de barítonu, y daquién pensando en suicidase; Joy Division faciendo de banda sonora, la tele, el Sol y l´humor de los mayores: esta retafila d´aparatos ye la base paisaxística de la que vienen on a la qu´atienden los cuarenta y cuatro poemes que faen el llibru.
Los dioses de Curtis, de Sergio Gutiérrez Camblor, nacíu na barriada de Los Cuarteles (Siero, 1985). De pequeñu taba gordu y desque dexó de talo solo s´enfota na estética. Cursó estudios na Universidá d´Uviéu. Nel 2007 publicare´l llibru de poemes A dixo a B: perversu (Trabe). Cada día que pasa tien más miéu a falar más de la cuenta. Y a escribir en tercera persona.