Pablo Rodríguez Medina


Martema. Historia d’una guerra, retratu d’unes culpes
Premiu Asturies Xoven de Testos Teatrales, 2003
Nome verdaderu que s’escuende tres del alcuñu d’Astor Andía, naz nel pueblu de L’Entregu llantáu nel coral de la Parroquia de San Andrés de Llinares (SRA) nel añu 1978. Anguaño ye llicenciáu en Filoloxía Hispánica y Especialista en Filoloxía Asturiana.
Escritor billingüe, les sos obres tanto nuna como n’otra llingua algamaron delles distinciones ya seya a nivel rexonal, nacional ya internacional. Escritor en llingua asturiana, algama premios de tantu altor como’l Xosefa de Xovellanos, pola novela L’Arna de San Atanás, o’l de creación lliteraria de l’Academia de la Llingua Asturiana por Les vueltes, toles vueltes.
Martema. Historia d’una guerra, retratu d’unes culpes ye la segunda incursión publicada del autor nel cada vegada más apasionante mundu del remanecer del teatru asturianu d’anguaño y sigue, en dellos aspeutos la so primer entrega: Orbaya (Premiu de teatru de l’Academia de la Llingua Asturiana). Tanto a una como a otra namás que-yos fai falta una cosiquina: la representación qu’avere estos personaxes y esti mundu netu al real al públicu del teatru.